रामेछाप । सोलुखुम्बुको लिखुपिके गाउँपालिका स्थित भकाञ्जेमा डुम्जी पर्वको अवसरमा आइतबार भकाञ्जे युवा क्लबले आयोजना गरिएको स्याब्रु नृत्य प्रतियोगिता सम्पन्न गरिएको छ ।
छ टिम सहभागी भएको कार्यक्रममा जुनवेसी माध्यमिक विद्यालयले प्रथम स्थान हासिल गरेको छ भने शेर्पा संस्कृति संरक्षण समूह गोली द्वितीय, हिमालय यति क्लब जुनवेशी तृतीय र श्री रातोतारा युवा क्लब गुम्देल सान्त्वना भएको छ ।
विजेता टिमहरूलाई क्रमशः नगद १५ हजार, १० हजार, ५ हजार र २ हजारको साथमा सिल्ड र प्रमाणपत्र प्रदान गरिएको क्लबको सचिव टाकी ङिमा शेर्पाले जानकारी दिनुभयो ।
कार्यक्रममा धर्मगुरू, स्थानीय जनप्रतिनिधि, सरोकारवाला, शिक्षक, विद्यार्थी लगायत भकाञ्जे आसपासका स्थानीय बासीहरूको उपस्थिति भएको शेर्पाले जानकारी दिनुभयो ।
सम्बन्धित खवर
