नवलपरासी । कम्युनिष्ट गठबन्धनले भरपूर प्रयास गरे पनि नवलपरासी (बर्दघाट सुस्ता) पश्चिम २ बाट नेपाली काँग्रेसका उम्मेदवार देवेन्द्रराज कण्डेललाई रोक्न सकेन । कण्डेल ३४ हजार १३० मत प्राप्त गरी विजयी भएका छन् ।
उनका निकटतम प्रतिद्वन्द्वी माओवादी केन्द्रका घनश्याम यादवले २३ हजार ८९८ मत प्राप्त गरे । कण्डेलले यादवसँग १० हजार २३२ मतअन्तरले विजयी बनेका हुन् । नवलपरासी (बर्दघाट सुस्ता) पूर्व १ बाट नेपाली काँग्रेसका महामन्त्री डा शशांक कोइराला ३४ हजार ७८४ मतका साथ विजयी बने ।
उनका निकटतम प्रतिद्वन्द्वी माओवादी केन्द्रका भविश्वर पराजुलीले ३० हजार ५२३ मत प्राप्त गरेका थिए । यसैबीच नवलपरासी (बर्दघाट सुस्ता) पूर्व २ बाट नेकपा एमालेका उम्मेदवार तिलक महतले ३९ हजार ५३ मत प्राप्त गरी विजयी बनेका छन् । उनका निकटतम प्रतिद्वन्द्वी नेपाली काँग्रेसका विष्णु काकीले ३७ हजार ७२० मत प्राप्त गरेका थिए ।
Hamrakura
सम्बन्धित खवर
