Advertisement

काठमाडौँ, असोज ६ । असोज २२ र २४ गते –अक्टोवर ८ देखि १०) हुन लागेको विश्व शेर्पा सम्मेलनलाई सफल पार्न सवै संघसस्थाहरु लागि पर्ने भएको छ ।

आज शेर्पा सेवा केन्द्रको क्यान्टिनमा बसेको बैठकमा सहभागी नेपाल शेर्पा सघं, नेपाल शेर्पा युवा संघ,नेपाल महिला सघं, नेपाल विद्यार्थी सघं, हिमालयन शेर्पा सांस्कृतिक केन्द्र र शेर्पा संचार समुह नेपाल लगायतका सघंसस्थाले मिलेर सम्मेलनलाई भव्य रुपमा सफल पर्ने जानकारी दिएका थिए ।

बैठकमा नेपाल शेर्पा संघका केन्द्रीय अध्यक्ष एव विश्व शेर्पा सम्मेलनका संयोजक एडी लामा शेर्पाले विश्व शेर्पा सम्मेलन आयोजना गर्नुको उद्देश्य र संघसस्थाको भुमिकाको बारेमा जानकारी दिनुभएको थियो । उहाँले कार्यपत्र प्रस्तुतको विषयमा आएको विवादलाई संघसस्थाका प्रतिनिधिहरुको सामु प्रष्ट पारिदिनु भएको थियो ।