रुससँगकाे पहिलाे मैत्रीपूर्ण भलिबलमा नेपाली राष्ट्रिय महिला टाेली पराजित भएकाे छ ।
आज त्रिपुरेश्वरमा रहेको राष्ट्रिय खेलकुद परिषद् (राखेप) को कभर्डहलमा भएकाे खेलमा नेपाल रुससँग ३–० काे साेझाे सेटमा पराजित भयाे । रुस पहिलाे सेटमा २५–१७, दाेस्राे सेटमा २५–१९ र तेस्राे सेटमा २५–१५ ले विजयी भयाे ।
काभा नेसन्स लिगको तयारीमा रहेको नेपाली टोलीले रुसको टोलीसँग दुई वटा मैत्रीपूर्ण खेल खेल्न लागेको हो । दोस्रो खेल भोलि सोमवार हुनेछ ।
यही साउन १७ गतेदेखि काठमाण्डौमा शुरु हुने काभा नेसन्स लिगमा नेपालसहित, भारत, इरान, श्रीलङ्का र माल्दिभ्सले खेल्दैछन् ।
सम्बन्धित खवर
