ओसाका प्रहरीले गत महिना ओसाका शहरको एक होटल कोठामा मृत अवस्थामा फेला परेकी १७ वर्षीया युवतीको हत्या गरेको आरोपमा बुधबार ३० वर्षीय एक व्यक्तिलाई पक्राउ गरेको छ।
आरोपी, सुन्सुके फुकुईले, “मैले दुवै हातले उसको घाँटी थिचेर मारें” भन्दै आफूले गरेको अपराध स्वीकार गरेको बताइएको छ।
बेरोजगार र कुनै स्थायी ठेगाना नभएका फुकुईलाई सेप्टेम्बर २८ मा साँझ ५:२५ देखि ६:४० बजेको बीचमा डोटोनबोरी क्षेत्रको एक होटलको कोठामा युवतीको घाँटी थिचेर हत्या गरेको आरोपमा पक्राउ गरिएको हो।
होटल कर्मचारीहरूले ती युवतीलाई त्यस रात ११ बजेतिर बेडमा अनुहार माथि पल्टिएको अवस्थामा ओछ्यानले बेरिएको अवस्थामा फेला पारे र प्रहरीलाई आपतकालीन कल गरे। घटनास्थलमा आएका स्वास्थ्यकर्मीहरूले उनको मृत्यु पुष्टि गरेका थिए।
ओसाका प्रिफेक्चुरल प्रहरीका अनुसार फुकुई ओसाका शहरको अर्को आवास सुविधामा अर्को पाहुनासँग झगडा गरेका थिए, जुन हत्याको एक रात अघि भएको थियो। प्रहरी अधिकारीहरूले त्यस समयमा उनलाई पहिचान गरेका थिए।
त्यसपछि सिसिटिभी फुटेजले डोटोनबोरी होटलबाट फुकुईसँग मिल्ने एक व्यक्तिलाई भागेको देखाएको थियो।
अधिकारीहरूले सूचनाका लागि जनतालाई अपील गरे, अन्ततः योहकोहामा शहरमा फुकुईलाई पुर्याउने सुराक प्राप्त गरे। अधिकारीहरूलाई खटाइएको थियो, र बुधबार उनीहरूले फुकुईलाई इन्टरनेट क्याफेबाट बाहिर निस्कँदै गर्दा पक्राउ गरे।



