जापानको राजधानी टोकियोको उत्तरमा ४.९ म्याग्निच्युडको भूकम्प गएको छ। जापान मौसम विज्ञान एजेन्सीका अनुसार यस भूकम्पबाट सुनामीको खतरा नरहेको जानकारी दिएको छ।

उक्त एजेन्सीले भूकम्प साँझ ७:०५ बजे इबाराकी प्रिफेक्चरको दक्षिणी भागमा गएको र यसको तीव्रता जापानी मापन (स्केल) मा ७ मध्ये अधिकतम ४ रहेको बताएको छ। मध्य टोकियोमा भने भूकम्पको तीव्रता ३ महसुस भएको थियो।

यसअघि, शुक्रबार बिहान ११:४४ बजे ६.९ म्याग्निच्युडको भूकम्प आओमोरी प्रिफेक्चरको पूर्वी तटीय क्षेत्रमा गएको थियो। यो भूकम्पको केन्द्रविन्दु १७ किलोमिटर गहिराइमा थियो।

सो भूकम्पपछि होक्काइडो र आओमोरीका केही भागमा २० सेन्टिमिटरसम्मको सुनामीका लहरहरू देखिएका थिए। तथापि, सुनामीसम्बन्धी सचेतना (advisory) दिउँसो सबेरै हटाइएको थियो।