फुर्वा शेर्पा/ जापान
दक्पु श्यर्वी युलला ग्यल्पेा लेासार फेासुङ
लेासारला खंब,फमा दल्ज तङ छेङाछाली टेन्सुङ ।
क्षिग्यलला वाने लेा मङमु गाल्सुङ
खंब लुङब तङ फमला टेन्ने मिक्ला मिक्चुर थेन्सुङ ।
तलुलेाकी ग्यल्पेा लेासारला रंगी लुङब लेाकु सिक्यासिन
लाकानेुसुर कुङसेन माबिन के मङबु ग्यपसुङ ।
केवी फम नरी टेन्सुङ,छेङाछाली माठेसङ लेा मङबु गासुङ
युलकी ल्हप्सुला श्यब्रु क्षाबु ङिमा मङ टेन्सुङ ।
लेासारला क्षुवा तेतुङ केान्ने खप्से क्षिमार तङ फेमार साप ङिमाला
टेाप्ला ने ज्युन गेाकासेक लाका कि गेासुङ क्षिग्यलकी लुङबाला ।
रियी गेाला लुङदार ,खंबी देाङला च्येातर लङने
खंब चवी लामा फेप्स्युने लेासार तेन्दु ङिमा दाङ देाके डासुङ ।
फमी क्षककी जेाउ क्षयाङफु डेसिल सेाउ ङिमा नासाम तङीन
क्षिग्यालला लाका दुक्पा किगेासुङ ।
क्षिग्लालला वाने सुट केान ज्यिङबाला टाइ ताने यम्जेरङ मे
लेासारला केाचनकी क्षुवा तङ ज्यिङवाला टासी ताग्ये खाता ताउ देाके
पार्टी,हाइकिङ,बार्बेक्यु,बर्थडे मीन ङला ग्यल्पेा लेासार रङ गावेइ ।
थुजिक्षे ।
सम्बन्धित खवर
