Advertisement

माघ ७ – संसारभर लोकप्रिय गित ‘सेप अफ यू’का गायक ‘एड शिरन’ छिट्टै बैवाहिक जीवनमा प्रवेश गर्ने भएका छन् । उनले लामो समय देखि प्रेममा रहेकी प्रेमिका चेरी सिबोर्नसँग इङ्गेजमेन्ट गरेको कुराको जानकारी इन्स्टाग्राम मार्फत दिएका छन् ।
उनले नयाँ वर्षको अवसरमा इङ्गेजमेन्ट गरेकोमा आफूहरु धेरै खुशि र एकअर्काको प्रेममा रहेको कुरा इन्स्टाग्राममा लेखेका छन् । एड शिरन र चेरी बाल्यकाल देखिकै साथी थिए तर उनीहरुको सम्बन्ध पछि प्रेममा परिणत भएको  थियो । दुवै प्रेममा रहेको कुरा त्यो बेला बाहिर आयो जुन बेला उनीहरुलाई सन् २०१५ मा टेलर स्वीफ्टको पार्टीमा बोलाइएको थियो ।

२६ वर्षीय गायक एड शिरनको पूरा नाम ‘इडवार्ड क्रिस्टोफर शिरन’ हो । उनको गित ‘सेप अफ यू’ विश्वभरी सबैभन्दा धेरै हेरिएका गित मध्यको एक हो । यही गितबाट उनी विश्वभरमै लोकप्रिय भएका थिए । यो गित सार्वजनिक भए पछि विश्वभरका ४० वटा भन्दा बढी देशमा नम्बर १ मा रहेको थियो । यसै गितबाट उनले ब्रिट र ब्रिटिश ब्रेकथ्रु अवार्ड लगायत अन्य धेरै अवार्ड पाएका थिए । यो गित जनवरी २०१७ मा रिलिज भएको थियो ।