काठमाण्डौ उपत्यका आज प्रदर्शनको केन्द्रबिन्दु बनेको छ। सत्तारुढ नेकपा एमालेको दरबारमार्गस्थित सभा, कोटेश्वरमा मेडिकल व्यवसायी दुर्गा प्रसाईंका समर्थकको प्रदर्शन र माइतीघरमा सहकारी पीडितको आन्दोलनका कारण उपत्यकाको ट्राफिक व्यवस्थापन अस्तव्यस्त भएको छ।
एमालेको जागरण सभा
नेकपा एमालेले राष्ट्रिय सद्भाव र राष्ट्रिय एकता कायम गर्ने उद्देश्यले दरबारमार्गमा जागरण सभाको आयोजना गरेको छ। पार्टीका अध्यक्ष एवं प्रधानमन्त्री केपी शर्मा ओलीले सभालाई सम्बोधन गरेका छन्। एमालेका नेता, कार्यकर्ताको ठूलो जमघटका कारण दरबारमार्ग क्षेत्रमा गाडी प्रवेश गर्न निषेध गरिएको छ।
कोटेश्वर र माइतीघरमा प्रदर्शन
कोटेश्वरमा मेडिकल व्यवसायी दुर्गा प्रसाईंका समर्थकहरूले आफ्नो माग राख्दै प्रदर्शन गरिरहेका छन् भने माइतीघरमा सहकारी पीडितहरूले आफ्नो रकम फिर्ता पाउनुपर्ने माग गर्दै आन्दोलनलाई निरन्तरता दिएका छन्।
ट्राफिक व्यवस्थापनमा समस्या
उपत्यकाका विभिन्न स्थानमा भइरहेका यी प्रदर्शनका कारण काठमाण्डौ उपत्यकाको ट्राफिक व्यवस्थापनमा ठूलो समस्या भएको छ। ट्राफिक प्रहरीले विभिन्न स्थानमा डाइभर्सन बिन्दु तोकेर यातायात सञ्चालन गरिरहेको भए पनि सवारी साधनको चापका कारण जामको समस्या समाधान हुन सकेको छैन। ट्राफिक प्रहरीले वैकल्पिक मार्ग प्रयोग गर्न आग्रह गरेको छ।
सम्बन्धित खवर
