सल्यानमा सांस्कृतिक महोत्सव स्थलमा भिषण आगलागी भएको छ । शारदा नगरपालिका–१, श्रीनगरको टाउन प्लानिङमा राष्ट्रिय लोक तथा दोहोरी गीत प्रतिष्ठान सल्यानले आयोजना गरेको महोत्सवस्थलमा गएराति आगलागी भएको हो।

आगलागीबाट महोत्सवमा बिक्रीका लागि राखिएका स्टल र लाखौ मूल्यका सामग्री जलेर नष्ट भएको व्यापारीले बताएका छन् ।

आगो स्थानीय, व्यवसायी, महोत्सव सञ्चालक तथा सुरक्षाकर्मीको टोलीले तीन घण्टा लगाएर नियन्त्रणमा लिएको जिल्ला प्रहरी कार्यालय सल्यानका सूचना अधिकारी प्रहरी निरीक्षक बाबुराम बस्नेतले जानकारी दिए ।

१ सय ६० स्टल राखिएको महोत्सवमा ३० स्टलमा राखिएका सामग्री जलेर नष्ट भएका छन् । आगलागीबाट भएको क्षतिको विवरण संकलन भइरहेको छ ।

हालसम्म तीन करोड बढीको सामग्री जलेर नष्ट भएको अनुमान गरिएको छ ।

सम्बन्धित खवर

ताजा समाचार

लोकप्रिय