सोलुखुम्बु : सोलुखुम्बुको खुम्बु पासाङ ल्हामु गाउँपालिका ३ बैकंरमा भिरबाट लडेर एक युवकको ज्यान गएको छ । ज्यान जानेमा खोटाङको दित्तेल रुपाकोट मझुवागढी नगरपालिका १० घर भएका २० बर्षीय अनिश राई रहेको जिल्ला प्रहरी कार्यालय सोलुखुम्बुले जनाएको छ ।

बैकंर स्थित विष्णु राईको घरमा काम गर्दै आएका राईको मंगलबार घाँस काट्न जाने क्रममा भिरबाट लडेर ज्यान गएको जिल्ला प्रहरी कार्यालय सोलुखुम्बुका डिएसपी कवित कटवालले जानकारी दिनुभयो । शवको कानुनी प्रकृया पुरा गरी बुधबार आफन्तले बुझेको प्रहरीले जनाएको छ

-solu FM