जापानको इबाराकी प्रान्तको मिटो शहरमा अक्टोबर १३ मा आयोजित एक विशेष कार्यक्रममा ५०७ जनाले एकैसाथ आकाशतिर औंला देखाएर गिनिज विश्व कीर्तिमान कायम गरेका छन्।
मियाबी सेन्निन् किमोनो नामक यस कार्यक्रममा सहभागीहरूले किमोनो, युकाटा र जिन्बेई जस्ता परम्परागत जापानी पोशाक लगाएर जेआर मिटो स्टेशनको दक्षिण निकासमा भेला भएका थिए। उनीहरूले ३० सेकेन्डसम्म एकैसाथ आकाशतिर औंला देखाएर यो अनौठो कीर्तिमान कायम गरेका हुन्।
यो कार्यक्रम इबाराकी प्रान्तको पुनरुत्थानका लागि आयोजित गरिएको थियो। यस कार्यक्रममा चिया समारोह र दाइ-कागुरा शिन्ता नृत्य प्रदर्शन जस्ता अन्य सांस्कृतिक कार्यक्रमहरू पनि आयोजना गरिएका थिए।
टोकियोकी ११ वर्षीया नाओका सावा भन्छिन्, “सबै मिलेर एउटै काम गर्नु धेरै रमाइलो लाग्यो। मैले मेरा साथीहरूलाई यो कीर्तिमानबारे बताउन पाउँदा धेरै खुसी छु।”
