Advertisement
सम्पुर्ण दाजु भाइ तथा दिदि बहिनीहरूमा म कुङ्गा ज्ञाजु शेर्पाको तर्फबाट टासीदेलेक । सोलुखुम्बु जिल्लाको खुम्बु पासाङ ल्हामु गाऊपालिका वडा न ४ स्थित पङ्बोछे खुम्बुको सबै भन्दा पुरानो शेर्पा गाउ हो । यहाँ खुम्बुको सबै भन्दा पुरानो गुम्बा पनि रहेको छ।जुन गुम्बा खुम्बुको राजा अर्थात धार्मिक गुरू लामा सङ्वा दोर्जी द्वारा निर्मित गरेको थियो ।
गुम्बामा हरेक बर्षको असार महिनामा शेर्पाको महान पर्व डुम्जी (डुब्छोक्) मनाउने गरिन्छ यस डुम्जी मनाउने क्रममा एक दिन पाङ्बोछे बासी यसै पाङ्बोछेको शिरमा रहेको ताउचे हिमाललाइ देउताको रुपमा पुजा गरेर गर्ने गरिन्छ । त्यसैले यस हिमाललाइ स्वादेशी तथा विदेशी कसैले पनि चढ्न नहुने एउटा पबित्र हिमाल (holy mountain)देउताको रुपमा मान्दै आएको छ । यो एउटा पबित्र हिमाल भएता पनि केहि बर्ष देखि स यस हिमाल आरोहण गर्न पर्यटकहरुलाई अनुमती दिएको छ र आरोहण पनि गरी रकेको छ । पवित्र देउताको रुपमा पुजिदै आएको हिमाल आरोहण रोक्नु पर्ने छ किन भने यो हाम्रो धार्मिक थलो हो र यस हिमाललाई हामी देउताको रुपमा पूजापाठ गर्ने गर्छौ ।
यस बिषयमा सबैले बिचार गर्नु पर्ने भएको छ । बर्षमा यस पबित्र ताउजे हिमालको लागि अनुमाति पत्र (Climbing permit)नदिनु हुन नेपाल पर्यटन बोर्ड तथा मन्त्रालय वा नेपाल सरकार लाई हामी पाङ्बोछे बासी विनम्र अनुरोध गर्दछौ। धन्यबाद। नोटः यहाहरू बिदेशी होस या स्वदेशी पदयात्रा(Hiking)गर्न जान चाहनेहरुका लागि ताउजे रि (Tabuche view point )खुल्ला रहनेछ जुन ५३०० मिटर रहेको छ त्यहाबाट हिमालका द्रिश्यहरु देख्न सकिन्छ । जस्तैः पुमोरी हिमाल,नुप्चे हिमाल,सगरमाथा हिमाल, ल्होत्से हिमाल,आइस्ल्यन्ड पिक,मकालु हिमाल,अम्फु पिक, आमाडब्लम हिमाल,खाङ्तेगा हिमाल,थामसेर्कु हिमाल, कोङ्दे हिमाल, यसै गरि ताउजे हिमाल इत्यादी अवलोकन गर्न सकिन्छ धन्यबाद।
