Advertisement

खाताक दक्पी श्यर्वी तेम्डील तम्जि
लाका ल्यरिम नाछोक्ला यिन्जीमीन्जी गोकीनोक ।
जोमु ठेतु तङ टल्सी छेङी मुला दक्पु श्यर्वी फर्ला छुर्ला
ङिकरकी खाताक तानतेरकीनोक ।
छाङकी नँला वत्तु पेजापुमनेज्युन नासु गलु सिन्वु
की फुङबु सेङगु सेग खाताक लग्लेन किनोक ।
केतु फमा गोन्दी चवी लामा युल्ला फेप्सीन्
खाताक ज्याङ्ने टासीदेलेक स्युगोकिनोक ।
क्षकक्षोपा तङ श्यर्वी ल्यरिम गोचुउ यिन्सीन् श्यर्वी खंवा
गोम्स्योकला दक्पु श्यर्वी खाताक खाक्छेनोक ।
श्यर्वी खंवा खाताक मेसिन श्यर्वी ङोटोत तोर्कीनोक
टासीदेलेग टिने ,तासी ताग्ये वात्त खाताक कङग्या लेमुइ थोङगीनोक ।
ल्हातङ लेवा लोला तासीन माङ लेवा थोङगीनोक
ल्होसार फाङगी बद्धजयन्ती छेन्मुङ श्यर्वा तेरी श्यर्वी क्ष्यालुक किनोक ।
ख्योकपेजी कोन्दुक तेतुङ क्ष्यु,वा, पुमपेजी कोन्दुक आङगी श्यामजार छासे लेमु थोङगीनोक ,।
केका केचा यिन्नोक खाताक तासी तम्जी देकी श्यर्वी नंला
गाताङ ल्हेन्मु दुक्पा क्योवा कङ क्ष्युङसीनङ खाताक गोकी श्यर्वी खवा ।
श्यर्वी ङोटोत रिमबा कङ लेमुई तम्जी तेमडील ज्योक खाताक यीन्
क्युन ज्योक मेगी दक्पी खताक दिया दक्पी ङोटोत यीन् ।
दोकीनोक दक्पु श्यर्वी खाताक मिरिक मिमाङ रोङवा क्षिवा तेरीकी
खाताक ताने मपर कितुनोक टशिवा होङसी सिने श्यर्वा तेरीकी ।
थुत्चिक्षे टासीदेलेग ।।।

फर्वा शेर्पा तामाखानी ८ लोदिङ सोलखुम्बु